Presidentja Gordana Siljanovska Davkova sot e mirëpriti ambasadorin e Australisë, Daniel Emeri.
Në këtë takim u bisedua mbi marrëdhëniet e përgjithshme bilaterale midis dy shteteve, të cilat janë miqësore dhe vitin e ardhshëm do të shënohen 30 vjet nga vendosja e marrëdhënieve diplomatike. Presidentja Siljanovska Davkova shprehu përkushtimin e palës maqedonase për zgjerimin e mëtejshëm të bashkëpunimit në fusha të ndryshme dhe shprehu pritjen se Australia do të vazhdojë të jetë partneri dhe aleati ynë në realizimin e qëllimeve dhe aspiratave strategjike.
Në këtë drejtim, Presidentja Siljanovska Davkova e rikonfirmoi interesimin nga pala maqedonase për hapjen e ambasadës rezidente të Australisë në Shkup.
Si një lidhje e rëndësishme ndërmjet dy shteteve u theksua bashkësia e e madhe maqedonase në Australi, e cila jep një kontribut të rëndësishëm në jetën shoqërore të Australisë dhe kontribuon në zhvillimin ekonomik australian.
Presidentja Siljanovska Davkova në këtë takim theksoi se niveli i bashkëpunimit ekonomik nuk i reflekton marrëdhëniet e shkëlqyera politike ndërmjet dy vendeve mike dhe se ekziston një potencial enorm i pashfrytëzuar në drejtim të zhvillimit të bashkëpunimit ekonomik dhe zmadhimit të shkëmbimit tregtar.
