Presidentja Gordana Siljanovska Davkova sot e mirëpriti Akim Ali, shefin e Zyrës së Organizatës Botërore Shëndetësore dhe të dërguarin special në Shkup.
Në këtë takim, Presidentja Siljanovska Davkova u informua mbi aktivitetet aktuale, rolin e OBSH-së në vend dhe në rajon dhe bashkëpunimin e tyre me institucionet shëndetësore lokale me qëllim të përmirësimit të qëndrueshmërisë së sistemeve shëndetësore për t’u përballur me pandemitë apo krizat shëndetësore.
Gjatë bisedës, Presidentja Siljanovska Davkova e theksoi rëndësinë e harmonizimit të politikave kombëtare shëndetësore me standardet globale shëndetësore dhe e theksoi mbështetjen e saj për përpjekjet për eliminimin e të gjitha barrierave normative, politike apo sociale me qëllim të zbatimit të programeve efektive shëndetësore .
Në interes të përforcimit të sistemit shëndetësor të vendit, parandalimit të sëmundjeve dhe promovimit të zakoneve të shëndetshme, Presidentja e vuri në dukje rëndësinë e zhvillimit të mëtejshëm të strategjive për rritjen e vetëdije dhe mbështetjen e publikut për iniciativat aktuale shëndetësore, veçanërisht në zonat rurale apo të pazhvilluara.
Në takim u shpreh gatishmëria për vazhdimin e bashkëpunimit të OBSH-së me institucionet maqedonase me qëllim që të mbështeten proceset reformuese në fushën e shëndetësisë, përforcimi i kapaciteteve për paralajmërim të hershëm dhe gatishmëria e shtetit për reagim të shpejtë ndaj situatave urgjente shëndetësore.
