Presidentja Gordana Siljanovska Davkova sot i mirëpriti nxënësit fitues të çmimeve dhe mirënjohjeve ndërkombëtare gjatë vitit 2024, si edhe mentorët e tyre.
Nxënësit janë pjesë e Lidhjes së Matematikanëve të Maqedonisë, Lidhjes së Kimistëve dhe Teknologëve të Maqedonisë, Shoqërisë Gjeografike Maqedonase, Shoqatës së Informatikës së Maqedonisë, Shoqatës së Fizikantëve të Maqedonisë, Shoqatës Biologjike Maqedonase, si dhe nxënës, talentë të cilët individualisht morën pjesë në gara ndërkombëtare dhe arritën sukses.
Në pritje, ku mori pjesë edhe ministrja e Arsimit dhe Shkencës, Vesna Janevska, Presidentja Siljanovska Davkova i përgëzoi për rezultatet e arritura dhe e theksoi nevojën për gjetjen e një zgjidhje të përhershme sistematike për mbështetjen adekuate të nxënësve tanë më të suksesshëm dhe të talentuar dhe pjesëmarrjen e tyre në garat ndërkombëtare. Ajo tha se politikat, veçanërisht ajo arsimore, duhet të jenë të përshtatshme dhe të përputhen me nevojat dhe interesat e atyre që janë më të vlefshëm, atyre që janë më me perspektivë.
“Nuk ka asnjë detyrim më të madh për këtë shtet dhe unë vazhdoj ta përsëris, që njerëzit e duhur, më të mirët, të marrin mbështetjen më të lartë dhe më të mirë, dhe një garanci që kam parë në mbarë botën, kur, gjatë gjimnazit ose në universitet, nxënësit dhe mentorët e tyre bombardoheshin me oferta për intervista, për biseda dhe nga të gjitha ministritë që ofrojnë angazhim, punë, sistem alumni, jeni në kontakt të vazhdueshëm. Mendoj se ka ardhur koha dhe ne nuk duhet të largohemi nga pozitat tona pa e zgjidhur apo vënë një gur në atë mozaik që do të duhet t’i zgjidhë problemet e të gjithë juve”, tha Presidentja Siljanovska Davkova.
Pjesëmarrësit në pritje ishin pjesë e Olimpiadës së 65-të Ndërkombëtare të Matematikës në Angli, Olimpiadës së 35-të Matematikore të Kopernikut në Universitetin e Kolumbisë në Nju Jork. Olimpiadës së 8-të Ndërkombëtare të Biologjisë në Astana, Kazakistan Olimpiadës së 54-t Evropiane të Fizikës në Kutaisi, Gjeorgji. Olimpiadës së 56-të Ndërkombëtare të Fizikës në Isfahan, Iran. Olimpiadës së 7-të Ndërkombëtare të Kimisë në Riad, Arabi Saudite. Olimpiadës Ndërkombëtare të Ekonomisë, në Hong Kong, Olimpiadës Ndërkombëtare të Gjuhës Gjermane, Olimpiadës Ndërkombëtare të Gjuhës Angleze, Olimpiadës Evropiane të Informatikës për Vajzat në Veldhoven, Holandë, Olimpiadës Evropiane të Informatikës për Junior në Moldavi, Konkursit Botëror “Microsoft Office Specialist 2024” në Los Anxheles, SHBA dhe garave të tjera kryesore.
