Presidentja Gordana Siljanovska Davkova sot i pranoi letrat kredenciale të ambasadores së sapoemëruar të Republikës së Japonisë, Secuko Kavahara.
Në ceremoninë e dorëzimit të letrave kredenciale, Presidentja Siljanovska-Davkova theksoi se edhe pse të largëta gjeografikisht, dy vendet tona i lidhin vlerat e përbashkëta dhe vizioni për ndërtimin e një bote më të mirë, duke shtuar se është thellësisht e bindur për ekzistencën e një vullneti të fortë reciprok për thellimin e marrëdhënieve bilaterale dhe afrimin e popujve tanë.
“Shteti e ynë vlerëson bashkëpunimin me vendet e kontinentit aziatik. kurse marrëdhëniet me Japoninë zënë një vend të veçantë në politikën tonë të jashtme. Përvoja dhe gatishmëria juaj e pasur diplomatike padyshim që do të kontribuojë në përforcimin e mëtejshëm të marrëdhënieve në të gjitha fushat me interes të ndërsjellë, nga sfera politike dhe ekonomike, deri te shkëmbimi kulturor dhe bashkëpunimi shkencor-teknologjik”, tha Presidentja.
Në këtë drejtim, shprehu kënaqësinë e vet për programet e ndryshme japoneze dhe projektet e bashkëpunimit, të cilat lënë gjurmë të jashtëzakonshme në shoqërinë maqedonase, dhe veçanërisht shembullin pozitiv japonez të festimit të përvjetorëve, 30 ngjarjeve origjinale që do të mbeten si vulë e miqësisë maqedonase-japoneze.
Ambasadori Kavahara, duke iu referuar festimit të 30-vjetorit të vendosjes së marrëdhënieve diplomatike të vitit të kaluar, tha se ishte një nder i veçantë për ta pjesëmarrja e Presidentes në disa nga evenimentet lidhur me kremtimin e atij përvjetori. Ajo theksoi se Japonia i kushton rëndësi të jashtëzakonshme stabilitetit dhe prosperitetit të rajonit të Ballkanit Perëndimor, veçanërisht nëpërmjet “Iniciativës për Bashkëpunim me Ballkanin Perëndimor” të nisur nga Qeveria e Japonisë në vitin 2018, në kuadër të së cilës janë zbatuar me sukses disa programe në fusha të tilla siç janë ekonomia, mbrojtja e mjedisit dhe parandalimi i katastrofave.
Ambasadorja shprehu gatishmërinë e saj për të mbështetur më tej proceset tona reformuese, duke shtuar se është e vendosur të bëjë çdo përpjekje për thellimin e marrëdhënieve bilaterale dhe promovimin e bashkëpunimit në skenën ndërkombëtare.
Presidentja Siljanovska Davkova i uroi ambasadores Kavahara përfundim të suksesshëm të misionit të saj diplomatik, duke i garantuar bashkëpunim të frytshëm në të ardhmen.
