Presidentja Gordana Presidentja Siljanovska Davkova, sot i vizitoi përfaqësuesit e Armatës që janë përfshirë në shuarjen e zjarrit të madh në pyllin në malin Serta, pranë fshatit Kallanjevo, Negotinë.
Presidentja Siljanovska Davkova u informua nga drejtori i Qendrës për menaxhim me kriza, Stojançe Angelov, mbi gjendjen aktuale me zjarret dhe aktivitetet që po ndërmerren për shuarjen e tyre.
Në bazë të nevojës dhe kërkesave të treguara për angazhim më të madh në shuarjen e zjarreve, Presidentja Siljanovska Davkova sot në mëngjes ka marrë vendim që në përpjekje për shuarjen e zjarreve të angazhohen edhe 200 përfaqësues të Armatës, kështu numri i përgjithshëm i përfaqësuesve të angazhuar të Armatës është 300.
Përfaqësuesit e Armatës nga përbërja e Komandës për operacione dhe Komandës së trajnimit dhe doktrinave do të kryejnë aktivitete nën drejtimin e Qendrës së menaxhimit të krizave, e cila është përgjegjëse për koordinimin e të gjitha institucioneve të përfshira.
