Presidentja Gordana Siljanovska Davkova, në suazat e pjesëmarrjes në Samitin për ndryshimet klimatike (KOP29) në Baku, u takua me Presidentin e Republikës së Sllovakisë, Peter Pelegrini.
Në këtë takim u shkëmbyen mendime për marrëdhëniet e përgjithshme bilaterale, për ivrointegrimet maqedonase, si dhe mbi nevojën e qasjes së përbashkët rajonale në tejkalimin e sfidave globale.
Në takim, Presidenti sllovak vlerësoi se evrointegrimet maqedonase janë peng i bilateralizimit të zgjerimit të BE-së, ndërsa theksoi se Sllovakia është mbështetëse e fortë e zgjerimit të Bashkimit Evropian dhe Bratislavae ka kritikuar bllokimin e evrointegrimet maqedonase në shumë takime të Këshillit të BE-së.
Presidentja Siljanovska Davkova theksoi se e vlerësojmë shumë mbështetjen e deritanishme të Sllovakisë në rrugën për evrointegrimet maqedonase dhe shprehu bindjen se ndihma e ndërsjellë do të vazhdojë edhe në pjesën e mëtejshme të procesit të anëtarësimit tonë në Bashkimin Evropian.
Presidentja shprehu kënaqësinë për zhvillimin e vazhdueshëm të marrëdhënieve maqedonase-sllovake dhe shprehu bindjen për bashkëpunim edhe më të suksesshëm dhe më të frytshëm në periudhën në vijim. Si aleate në NATO, Presidentja Siljanovska Davkova shprehu besimin për vazhdimin e bashkëpunimit të mirë në mbrojtje dhe në siguri.
