Presidentja Gordana Siljanovska-Davkova nga sot do të qëndrojë për vizitë pune në Mbretërinë e Spanjës dhe do të mbajë fjalim në sesionin e parë plenar të Konferencës së katërt ndërkombëtare për financimin e zhvillimit (FfD4), që do të mbahet në Sevilje nën organizimin e Organizatës së Kombeve të Bashkuara.
Sonte ajo do të marrë pjesë në pritjen zyrtare, që për shefat e delegacioneve e organizojnë mbreti i Spanjës, Felipe VI dhe mbretëresha Leticia.
Qëllimi i tubimit të liderëve është gjetja e zgjidhjeve për ballafaqim me sfidat financiare në përmbushjen e Qëllimeve për zhvillim të qëndrueshëm dhe Agjendës 2030, reformimin e arkitekturës ndërkombëtare financiare dhe nxitjen e investimeve nga sektori privat.
Në këtë konferencë, ku është paralajmëruar pjesëmarrja e pesëdhjetë shefave të shteteve dhe qeverive, përfaqësuesve të organizatave ndërkombëtare, komuniteteve të biznesit dhe shoqërisë civile, duhet të miratohet “Marrëveshja nga Sevilja”.
Në kuadër të kësaj vizite është paraparë që presidentja Siljanovska-Davkova të mbajë takim të dyanshëm me kryeministrin e Spanjës, Pedro Sançez.
