Presidentja Gordana Siljanovska Davkova e priti sot në vilën “Biljana” në Ohër Presidentin e Republikës së Shqipërisë, Bajram Begaj, që është në vizitë pune në vend.
Të dy bashkëbiseduesit kanë shprehur miqësinë e krijuar dhe marrëdhëniet e mira dypalëshe midis dy vendeve. Ata u ranë dakord se lidhja rajonale infratrukturore është mënyra më e mirë për të thelluar bashkëpunimin midis dy vendeve. Ndër projektet kryesore në këtë fushë është Korridori 8, që duhet të jetë një nga prioritetet që do të mundësojnë komunikim më të lehtë midis vendeve në rajon.
Të dy presidentët kanë treguar shpresën se si fqinjë, të dy vendet mund të arrijnë sukses në mbrojtjen e Liqenit të Ohrit, natyrës dhe pasurisë së përbashkët natyrore. Ekziston mundësia që këto aktivitete të financohen përmes fondeve europiane, të disponueshme përmes aplikimeve të përbashkëta nga të dy vendet.
Pasditen e sotme, Presidentja Siljanovska Davkova dhe Presidenti Bajram Begaj vizituan disa nga vlerat e lashta të Ohrit që mahnisin me autenticitetin dhe bukurinë e tyre, duke filluar nga Çinari, duke vazhduar me Xhaminë Alipasha, pastaj monumentin e Shën Klementit, shtëpinë e familjes Robevci, muzeun e letrës dhe kishën “Shën Sofia” – secila prej tyre, një simbol i përhershëm i spiritualitetit, artit, traditës dhe historisë.
Përmes dialogut kulturor, përforcohen urat e afrimit, besimit, miqësisë, mirëkuptimit të ndërsjellë dhe bashkëpunimit
