Presidentja e Maqedonisë së Veriut, Gordana Siljanovska Davkova, sot zhvilloi një bisedë të shkurtë telefonike me presidentin e Ukrainës, Volodomir Zelenski.
Në këtë bisedë telefonike, presidenti Zelenski informoi presidenten e Republikës së Maqedonisë së Veriut lidhur me përpjekjet intensive diplomatike që synojnë arritjen e marrëveshjes për paqe të drejtë sa më shpejtë të jetë e mundur.
Presidentja Siljanovska Davkova shprehi mbështetje për përpjekjet për përfundimin e luftës.
Presidenti ukrainas është falënderuar për mbështetjen nga Maqedonia e Veriut dhe paralajmëroi mbajtjen e samitit “Ukraina – Evropa Juglindore” të liderëve të vendeve të rajonit.
