Presidentja Gordana Siljanovska-Davkova sot realizoi një takim me delegacionin e Gjykatës Kushtetuese të Republikës së Kroacisë, të udhëhequr nga kryetari i Gjykatës, Mirosllav Sheparoviq, i shoqëruar nga kryetari i Gjykatës Kushtetuese të Maqedonisë, Darko Kostadinovski.
Bashkëbiseduesit kanë vlerësuar se kjo vizitë, që zhvillohet pas një pauze dy dekadëshe, ripërtërin bashkëpunimin e ndërsjellë që duhet të vazhdojë, të intensifikohet dhe të thellohet, me qëllim të shkëmbimit të përvojave dhe të mësuarit nga njëri-tjetri.
Si profesoreshë e së drejtës kushtetuese, Presidentja Siljanovska-Davkova potencoi dhe shpjegoi vërejtjet dhe mangësitë e zgjidhjeve tona kushtetuese për Gjykatën Kushtetuese, duke i krahasuar me ato për Gjykatën Kushtetuese të Kroacisë. Ajo ka shprehur përpjekje për kompetenca më të gjëra në mbrojtjen e lirive dhe të tjerave të njeriut, zgjedhjet dhe referendumin, si dhe për rishikim të disa prej tyre, si dhe për specifikim dhe shtrëngim të kushteve për fitimin e statusit të gjyqtarit kushtetues.
Presidentja potencoi se Gjykata Kushtetuese duhet të veprojë si pushtet i katërt, përkatësisht ndërmjetësuesi midis tri pushteteve.
Në këtë takim u diskutua edhe për përvojën kroate me Ligjin Kushtetues për Gjykatën Kushtetuese, si dhe për problemet lidhur me mungesën e rregullimit ligjor të çështjeve kushtetuese në vendin tonë.
Gjyqtarët kushtetues kroatë kanë shprehur gatishmërinë e tyre që të ndihmojnë në përshpejtimin e procesit të integrimit europian të Maqedonisë, duke potencuar përfitimet nga anëtarësimi si për anëtarët, ashku edhe për BE-në.
Duke falënderuar për mbështetjen, Presidentja Siljanovska-Davkova potencoi se përvojat kroate nga procesi i integrimit europian mund të jenë të vlefshme për vendin tonë.
