Presidentja Gordana Siljanovska Davkova u takua me Kryetarin e Bordit të Diasporës së Bashkuar Maqedonase (DBM), Arxhi Belio, si dhe përfaqësuesit e kësaj organizate Gordan Jordanov, Filip Jotevski, Mara Kuhn dhe Emily Abramzik.
PResidentja Siljanovska Davkova u informua rreth aktiviteteve të DBM-së që po zbatohen lidhur me përforcimin e lidhjeve kulturore, ekonomike dhe arsimore midis diasporës dhe vendit të origjinës. Ata prezantuan platformën për ndarjen e përvojave, rrjetëzimin dhe rritjen e mundësive të tyre të punësimit përmes kompanive maqedonase.
Gjithashtu, Presidentja Siljanovska Davkova potencoi se vlerëson angazhimin e BDD-së për ruajtjen dhe promovimin e identitetit dhe kulturës maqedonase në mbarë botën, duke vlerësuar se aktivitetet e tyre japin një kontribut të rëndësishëm në lidhjen e diasporës maqedonase dhe kanë rëndësi të përhershme në mbrojtjen e trashëgimisë kulturore maqedonase.
Pas takimit, Preseidntja Siljanovska Davkova priti studentët nga programi “Lindur në Maqedoni – Birthright Macedonia”, i cili këtë vit zbatohet për herë të nëntë nga DBM-ja në partneritet me Qendrën Maqedonase për Bashkëpunim Ndërkombëtar – MCIC.
Studentët informuan për qëndrimin e tyre në vend, si dhe për praktikat e tyre në kompanitë, ku i përmirësojnë njohuritë dhe aftësitë e tyre akademike. Ata besojnë se programi jo vetëm që u mundëson atyre zhvillim profesional, por paraqet edhe mënyrë e shkëlqyer që ata të lidhen dhe të kuptojnë më mirë pasurinë kulturore dhe shpirtërore të atdheut të paraardhësve të tyre.
Presidentja Siljanovska Davkova u uroi atyre qëndrim të suksesshëm në vend, duke shprehur shpresën se me entuziazmin e tyre për t’u lidhur me rrënjët e tyre, ata do të frymëzojnë gjeneratat e ardhshme nga diaspora për ta njohur shtetin maqedonas.
