Presidentja Gordana Siljanovska Davkova e priti sot ambasadorin e Republikës së Polonisë, Krzysztof Grzelczyk.
Në takim u shkëmbyen mendime për zhvillimet aktuale politike në të dyja vendet, sfidat aktuale dhe mundësitë për shfrytëzimin e potencialeve për thellimin e bashkëpunimit bilateral.
Në vitin kur shënohet tridhjetëvjetori i themelimit të marrëdhënieve diplomatike, ishte konstatim i dyanshëm se marrëdhëniet mes dy vendeve janë në nivel të jashtëzakonshëm dhe ishte shprehur kënaqësia për dialogun e vazhdueshëm politik, bashkëpunimin në kuadër të institucioneve ndërkombëtare dhe partneriteti në Aleancën e NATO-s.
Presidentja e falënderoi për mbështetjen e vazhdueshme nga Polonia në realizimin e qëllimeve strategjike të Maqedonisë dhe shprehu gatishmërinë për bashkëpunim të mëtutjeshëm në planin për integrim evropian dhe përmbushjen e agjendës reformuese.
Në këtë drejtim, presidentja theksoi rëndësinë e mbarëvajtjes së procesit tonë të anëtarësimit në BE dhe shprehu pritjen që aktivizmi dhe mbështetja polake, bilaterale, si miq të Grupit për Zgjerim të BE-së dhe përmes Grupit të Vishegradit, do të vazhdojë me të njëjtin vrull në të ardhmen.
