Presidentja Gordana Siljanovska Davkova, sot në Villa Vodno, në prag të Samitit të krerëve të shteteve dhe qeverive të pjesëmarrësve në Procesin e Bashkëpunimit në Evropën Juglindore, realizoi një takim me kryesuesin e Presidencës së Bosnjës dhe Hercegovinës, Denis Beqiroviq.
Në takim u shkëmbyen mendime për marrëdhëniet e përgjithshme dypalëshe, për situatën aktuale dhe perspektivën evropiane të dy shteteve, si dhe për aspektet e sigurisë dhe politike në rajon.
Të dy bashkëbiseduesit konfirmuan përkushtimin e tyre për integrim të plotë në Bashkimin Evropian dhe shprehën gatishmërinë për shkëmbim të përvojave, ndihmë reciproke dhe mbështetje në proceset reformuese.
Në takim u theksua rëndësia e promovimit të mëtejshëm të bashkëpunimit ndërkombëtar dhe të bashkëpunimit në iniciativat rajonale, me qëllim të intensifikimit të integrimeve evropiane dhe përballjes me sfidat në nivel rajonal.
Bashkëbiseduesit konfirmuan përkushtimin e ndërsjellë për intensifikimin e mëtejshëm të bashkëpunimit në të gjitha fushat me interes të përbashkët dhe e theksuan nevojën për përmirësimin e lidhjeve infrastrukturore.
