Presidentja Gordana Siljanovska Davkova sot u takua me kryetaren e Komisionit Evropian, Ursula fon der Llajen.
Në këtë takim u shkëmbyen mendime dhe informacione mbi procesin e integrimit evropian të vendit dhe perspektivat për përparimin, zbatimin e reformave dhe përfitimet e Planit të Rritjes së Bashkimit Evropian për Ballkanin Perëndimor.
Duke e falënderuar për angazhimin dhe përkushtimin e saj personal në lidhje me zgjerimin, Presidentja Siljanovska Davkova theksoi se Plani i Rritjes është një mekanizëm i rëndësishëm me potencial të madh, i cili do të përshpejtojë reformat, do të kontribuojë në standardizimin, rritjen ekonomike dhe përparimin dhe do ta afrojë vendin me atë Bashkimin Evropian.
Presidenti theksoi se institucionet maqedonase në disa fusha janë të gatshme për integrim të përshpejtuar dhe përfshirje në shumë iniciativa dhe rrjete të BE-së dhe shprehu pritjen që procesi integrues të zhvillohet në bazë të parimit të meritës dhe kritereve të Kopenhagës, duke theksuar se ato janë çelësi i zhvillimit tonë.
Duke e theksuar rëndësinë e ruajtjes së kredibilitetit në Bashkimin Evropian në lidhje me politikën e zgjerimit, Presidentja e theksoi nevojën e rritjes së mbështetjes nga institucionet evropiane për tejkalimin e sfidave bilaterale dhe përshpejtimin e integrimit evropian.
Presidentja shprehu gatishmërinë për vazhdimin e mëtejshëm të dialogut dhe e theksoi rëndësinë e qasjes së re të integrimit gradual, me faza për të vazhduar paralelisht me procesin e anëtarësimit.
Në kontekst të zhvillimeve rajonale, Presidentja Siljanovska Davkova theksoi se progresi i arritur nga secili vend kandidat nga Ballkani Perëndimor ka ndikim pozitiv mbi dinamikën rajonale të anëtarësimit në BE dhe i theksoi përkushtimin e saj për përparimin e mëtejshëm të bashkëpunimit të përgjithshëm rajonal në interes të stabilitetit, sigurisë dhe prosperitetit të përbashkët.
