Presidentja Gordana Siljanovska Davkova sot realizoi takim me ministrin e Punëve të Jashtme të Republikës së Serbisë, Marko Gjuriq, i cili do të marrë pjesë në Samitin e krerëve të shteteve dhe qeverive të pjesëmarrësve në Procesin e bashkëpunimit në Evropën Juglindore.
Në takim u konfirmuan marrëdhëniet e shkëlqyera bilaterale ndërmjet dy shteteve, të cilat karakterizohen nga miqësia tradicionale dhe u shpreh gatishmëria për përmirësimin e mëtejshëm të bashkëpunimit gjithëpërfshirës në fushat me interes të përbashkët.
Të dy bashkëbiseduesit shkëmbyen mendime për zhvillimet politike në të dyja vendet, situatën aktuale në rajon dhe perspektivën evropiane.
Presidentja Siljanovska Davkova theksoi rëndësinë e bashkëpunimit të forcuar në nivel bilateral dhe në kuadër të iniciativave rajonale, që është në interes të stabilitetit, prosperitetit dhe zhvillimit ekonomik të rajonit dhe në frymën e marrëdhënieve të mira fqinjësore.
Në takim ishte theksuar nevoja e shfrytëzimit të potencialit për zhvillim në fushën e ekonomisë dhe tregtisë, investimeve, infrastrukturës dhe lidhjes energjetike mes dy vendeve.
