Sot, Presidentja Gordana Siljanovska Davkova, në margjinat e “Akaba procesit Ballkan III”, u takua me Presidentin Bullgar, Rumen Radev.
Ajo, edhe një herë, i shprehu atij dhe qytetarëve bullgarë një falënderim të thellë për solidaritetin e treguar nëpërmjet kujdesit spitalor të pakursyer ndaj të lënduarve në zjarrin tragjik në Koçan, duke manifestuar miqësi të sinqertë, kujdes fqinjësor dhe humanizëm në një nga ngjarjet më tragjike maqedonase të kohëve të fundit.
Të dy u dakorduan se komunikimi më i shpeshtë midis politikanëve bullgarë dhe maqedonas, por edhe ndërmjet shkencëtarëve, nxënësve, studentëve, profesorëve, punonjësve të kulturës, gazetarëve dhe kategorive të tjera të shoqërisë, do ta thellojë dhe do ta përforcojë besimin e ndërsjellë, do t’i rrëzojë paragjykimet dhe do të sjellë përfitime të shumëfishta për qytetarët.
Edhe përkrah dallimeve në përcaktimin e zgjidhjeve të mundshme për bllokadën tonë eurointegruese, përfunduan se do të vazhdojnë të diskutojnë me vullnet të mirë, të vendosur që ta tejkalojnë problemin.
