Presidentja Gordana Siljanovska Davkova, në suazat e pjesëmarrjes në Samitin për ndryshimet klimatike (KOP29) në Baku, u takua me zëvendësdrejtoreshën e përgjithshme të UNICEF-it, Kiti van der Hejden.
Në këtë takim u shpreh kënaqësia nga bashkëpunimi i vazhdueshëm i frytshëm në disa fusha kyçe që kanë të bëjnë me mirëqenien e fëmijëve dhe të rinjve në shoqërinë maqedonase, me fokus të veçantë në barazinë, gjithëpërfshirjen, përparimin dhe mbrojtjen e të drejtave të tyre.
Në kontekst të ndryshimeve klimatike dhe ndikimit të tyre mbi jetën e fëmijëve, Presidentja Siljanovska Davkova dhe zëvendësdrejtoresha e përgjithshme e UNICEF-it, Van der Hejden, e theksuan rëndësinë e politikave që synojnë promovimin e zhvillimit të qëndrueshëm dhe iniciativave të gjelbra për mbrojtjen e mjedisit. Në këtë drejtim, u theksua nevoja që shteti ynë ta përfshijë çështjen e fëmijëve në Parashtresën e tretë kombëtare për aksion klimatik, me qëllim që të krijohen mekanizma sistematikë për mbrojtjen e tyre nga ndryshimet klimatike.
Presidentja Siljanovska Davkova e rikonfirmoi gatishmërinë e institucioneve maqedonase për bashkëpunim të mëtejshëm me UNICEF-in, në drejtim të krijimit të kushteve që çdo fëmijë të ketë shanse dhe mundësi të barabarta për të shfrytëzuar potencialin e vet, qasje në arsim cilësor, kujdes shëndetësor dhe mbrojtje.
