Presidentja Gordana Siljanovska Davkova, sot e mirëpriti zëvendëskryetarin e Agjencisë Turke për Bashkëpunim dhe Koordinim (TIKA), Mahmut Çevik.
Në këtë takim u bisedua mbi punën e agjencisë në shtetin tonë, ku Presidentja Siljanovska Davkova shprehu mirënjohjen e saj për mbështetjen shumëvjeçare dhe për projektet e realizuara, si dhe për kontributin personal të zëvendëskryetarit Çevik në atë drejtim.
Presidentja Siljanovska Davkova vlerësoi se Republika e Turqisë ka qenë mikja dhe aleati ynë besnik që nga ditët e para të pavarësisë, e cila na mbështet në të gjitha fushat, duke theksuar se midis dy vendeve tona ekzistojnë marrëdhënie të shkëlqyera bilaterale që shtrihen në të gjitha fushat.
Ndër projektet e rëndësishme të realizuara nga TIKA, Presidentja Siljanovska Davkova e vuri në dukje rinovimin e disa shkollave në vend, realizimin e programeve trajnuese për personelin mjekësor, pajisjen e disa klinikave dhe spitaleve me pajisje moderne mjekësore, si dhe realizimin e projekteve që synojnë rritjen e pjesëmarrjes së grave dhe fëmijëve në jetën shoqërore.
Presidentja Siljanovska Davkova e theksoi rëndësinë e projekteve për aplikimin e teknikave moderne bujqësore dhe ndërmarrjen e aktiviteteve ekonomike në zonat rurale, si dhe aktivitetet e Agjencisë në fushën e dialogut social dhe bashkëpunimit, organizimin e ngjarjeve kulturore për promovimin e dialogu ndërmjet grupeve etnike etj.
Këto aktivitete, sipas Presidentes Siljanovska Davkova, janë dëshmi konkrete e marrëdhënieve miqësore midis dy vendeve.
Në këtë takim u bisedua edhe për planin e ardhme të kësaj Agjencie për realizimin e disa projekteve në vend.
Në këtë kontekst, Presidentja Siljanovska Davkova e theksoi përkushtimin e saj për përforcimin dhe forcimin e marrëdhënieve bilaterale ndërmjet dy shteteve.
