Presidentja Gordana Siljanovska Davkova ua uroi qytetarëve 23 Tetorin – Ditën e Luftës Revolucionare Maqedonase
Të nderuar bashkëqytetarë,
Gëzuar 23 Tetorin, Ditën e Luftës Revolucionare Maqedonase.
Uroj që festën e sotme ta kaloni në paqe dhe harmoni, lumturi dhe gëzim, të relaksoheni në fitimet e luftës së vështirë për një shtet të pavarur, të lirë dhe demokratik maqedonas.
Ideja udhëheqëse e themeluesve të Organizatës Revolucionare Maqedonase, të cilët para 131 vitesh hapëruan në mënyrë vizionare në rrugën me gjemba drejt autonomisë politike, evoluoi dhe u mbindërtua ndër vite. Rezultati është shtet i pavarur maqedonas i vendosur para sfidave të reja.
Duke e festuar Ditën e Luftë Revolucionare Maqedonase të rikujtojmë të gjithë heronjtë e njohur dhe të panjohur dhe idealet, bindjet dhe sakrificat e tyre. Sot, kur e jetojmë ëndrrën e tyre, të mos harrojmë se shtetësia është fituar me vështirësi, se nuk na është dhuruar dhe se duhet të mbrohet me instrumente demokratike, në vend të armëve, si dikur.
Prandaj, të kujdesemi për atdheun dhe ta ruajmë atë, sepse nuk kemi tjetër!
Të respektojmë njëri-tjetrin, sepse pa ne të gjithë, nuk ka shtet maqedonas.
T’ua lënë trashëgimtarëve tanë siç na i lanë revolucionarët maqedonas.
Gëzuar festën!
Gordana Siljanovska Davkova
