Presidentja Gordana Siljanovska Davkova u dërgoi urim përfaqësuesve të bashkësisë rome me rastin e 8 Prillit, Ditës Ndërkombëtare të Romëve.
Të nderuar qytetarë – Romë,
Ju dërgoj urime të sinqerta për 8 Prillin – Ditën Ndërkombëtare të Romëve!
Besoj se nuk është rastësi që rrota, simboli i flamurit tuaj etnik, pas udhëtimeve të gjata është ndalur në tokën maqedonase, ku ju keni ndërtuar shtëpinë tuaj.
Me veçantinë dhe vetëdijen tuaj kulturore, ju u rritët në një segment të rëndësishëm dhe të vlefshëm të shoqërisë maqedonase, jashtëzakonisht i talentuar në muzikë dhe vallëzim, i frymëzuar artistikisht, modest!
Keni hyrë në Kushtetutë, keni luftuar për një komunë rome dhe gjuhën rome si gjuhë zyrtare në të, keni themeluar dhe zhvilluar një shkollë të mesme të suksesshme, keni krijuar parti dhe shoqata qytetare dhe jeni bërë faktor politik, keni hyrë në Kuvend, keni fituar poste kryetar komune dhe ministrore, por edhe poste drejtuese në organe dhe institucione të rëndësishme shtetërore, u bëtë të famshëm nëpërmjet shoqërive të shquara kulturore dhe artistike, këngëtarëve dhe dirigjentëve të ndryshëm, ju përshkruan në fushën e filmit dhe serive, u kënduat, u pikturuat…
Dëshmuat se jeni bashkësi kreative, e aftë, punëtore dhe adaptueshme që meriton respekt.
Por kjo festë më kujton se ju jeni ende bashkësia më e varfër, më e pambrojtur, më e margjinalizuar, më e pafavorizuar dhe më e diskriminuar.
Është koha për të kaluar nga fjalët në vepra, që t’ju mbështetim realisht, që t’ju japim përparësi, të ndërmarrim veprime afirmative dhe politika gjithëpërfshirëse, që do t’ju mundësojnë të shprehni dhe provoni aftësitë dhe idetë tuaja, që të inkorporoni mundin dhe njohuritë tuaja në zhvillimin e një shoqërie demokratike.
Romët janë potencial i pasur njerëzor që duhet të shfrytëzohet në drejtimin social.
Të rrotullojmë rrotën rome në shtëpi, por jo vetëm në 8 Prill, por vazhdimisht, më fort, më shpejt e më larg, në interes të progresit.
Gëzuar 8 Prillin – Ditën Ndërkombëtare të Romëve!
E juaja,
Gordana Siljanovska Davkova
