Ky vit që po kalon do ta mbajmë mend mbi ndryshimet dramatike në rendin ndërkombëtar, luftërat e paimagjinueshme me viktima të mëdha njerëzore, militarizimin e përshpejtuar, krizën në rritje të klimës, mjedisit dhe energjisë, institucionet ndërkombëtare të margjinalizuara dhe të drejtën ndërkombëtare të pezulluar.
Politika jonë e jashtme dhe e sigurisë ishte politikë e jashtme dhe e sigurisë europiane, dhe në të ne e promovuam veten si aktor i dukshëm dhe i respektuar!
Në proceset e integrimit europian, ne u përqendruam mbi përmbushjen e kritereve të Kopenhagës.
Në vend, viti 2025 ishte viti i fillimit të reformave në gjyqësor, hapjes së një beteje me korrupsionin dhe krimin, krijimit të një strategjie kombëtare zhvillimi, krijimit të partneriteteve të reja strategjike në funksion të reformave ekonomike dhe të tjera, një ofensive infrastrukturore, një zgjidhjeje afatgjatë për çështjen e energjisë dhe një zgjidhjeje sistemike për bashkëpunimin me diasporën.
Për të gjithë ne, momenti më i vështirë në vitin 2025 ishte tragjedia në Koçan dhe ajo do të na ndjekë si një hije për pjesën tjetër të jetës sonë. Obligimi mbetet të mos harrojnë të dashurit e tyre, por edhe të plagosurit, dhe mbi të gjitha – drejtësinë!
Sakrifica e tyre e pamasë duhet të na bëjë të gjithëve njerëz më të mirë, por edhe një sistem politik dhe ligjor që nuk do të lejojë viktima të reja të pafajshme!
Uroj që Viti i Ri të jetë një kohë trampolinë drejt paqes së qëndrueshme botërore, duke bazuar mbi të drejtën ndërkombëtare dhe institucionet ndërkombëtare, dëshiroj që ne të integrohemi në Bashkimin Europian, të vendosur për të jetuar në një mjedis të sundimit të ligjit, demokracisë, prosperitetit ekonomik dhe një mjedisi të shëndetshëm!
Personalisht, ju uroj secilit prej juve Vitin e Ri që dëshironi më shumë!
Gëzuar Vitin e Ri 2026, fëmijë të dashur, Gëzuar Vitin e Ri, të rinj të respektuar, Gëzuar Vitin e Ri, qytetarë të respektuar!
