Presidentja Gordana Siljanovska Davkova, me rastin e festës së madhe krishtere – Krishtlindja, u dërgoi mesazh urimi qytetarëve që festojnë ditën e Lindjes së Krishtit, Kryepeshkopit të Ohrit dhe Maqedonisë dhe të Justinian Primës, z. z. Stefan, si dhe Presidentit të Përfaqësisë Kishtare të Kishës Ungjillore Metodiste, Emil Zaev.
Të nderuar miq,
Me nder të veçantë dhe respekt të madh, ju përgëzoj festën e madhe krishtere të Lindjes së Krishtit – Krishtlindja, ditën e lindjes së Hyj-Fëmijës dhe Shpëtimtarit të botës, në të cilin natyra hyjnore dhe njerëzore u bashkuan dhe u personifikuan në unitet të përsosur.
Nga thellësia e zemrës sime uroj që paqja e Zotit të mbretërojë në çdo shtëpi ortodokse, duke e mbushur atë me virtytet e Zotit.
Lindja e Krishtit, edhe pas më shumë se dy mijëvjeçarësh, na frymëzon me dashuri të pamasë dhe mirësi të pafundme, harmoni dhe paqe, duke na kujtuar të japim ndihmë, mbështetje dhe ngushëllim të pakushtëzuar për të gjithë ata që kanë nevojë për to.
Edhe këtë vit, festa e Krishtlindjes do të forcojë besimin dhe shpresën tonë dhe do të na kujtojnë nevojën njerëzore për të bërë vepra të mira.
Le të gëzohemi jetës dhe të kontribuojmë në të mirën e komunitetit.
Le t’i hapim zemrat tona gjerësisht për të gjithë fqinjët tanë, në mënyrë që, të bashkuar në bashkësi, të krijojmë dhe ndërtojmë mirëqenien e shoqërisë maqedonase.
Krishti u lind!
Gordana Siljanovska Davkova
