Presidentja Gordana Siljanovska Davkova i mirëpriti përfaqësuesit e Shoqatës nacionale të infermiereve, teknikëve dha akushereve të Maqedonisë – SHNITAM.
Udhëheqësia e shoqatës në këtë takim e njohu Presidenten Siljanovska Davkova me përkushtimin e tyre për përmirësimin e vazhdueshëm të standardeve të praktikës së infermiereve dhe akushereve, avancimin e pozitës së infermiereve dhe akushereve në vendin e punës, si dhe angazhimin e tyre si shoqatë në drejtim të përmirësimit të sistemit shëndetësor në përgjithësi. Në këtë kontekst, theksuan disa çështje me prioritet për ta, pra miratimin e Ligjit për kujdesin shëndetësor dhe akusherik, njohjen dhe vlerësimin e arsimit të lartë të infermierëve dhe akushereve, si dhe specializimet e tyre të përfshira në kontratën kolektive, në përputhje me Konventën 149 të Organizatës ndërkombëtare të punës, për të vendosur mentorimin në praktikën e infermierisë, për të vlerësuar përvojën e infermiereve me arsim të mesëm, që kanë përvojë pune shumëvjeçare të specializuar, si dhe për të rritur rolin e infermiereve patronazhuese në dhënien e kujdesit shëndetësor parësor.
Presidentja Siljanovska Davkova theksoi se infermieret, teknikët dhe akusheret janë një hallkë jashtëzakonisht e rëndësishme në zinxhirin e kujdesit të përgjithshëm shëndetësor dhe shprehu mbështetje për aktivitetet e shoqatës, si e vetmja organizatë profesionale që përfaqëson infermieret, akusheret dhe infermierinë në përgjithësi.
Në takimin e sotëm morën pjesë kryetarja e shoqatës Vellka Gavrovska, nënkryetarja Tanja Trajkovska, Valentina Goriçanec, sekretarja e SHNITAM -it, si dhe Gordana Dimeska, kryetare e seksionit neurologjik dhe delegati Goce Markovski.
