Изјава од претседателката Сиљановска-Давкова за одржаната Свечена академија по повод 5 Мај – Денот на македонскиот јазик

6 мај 2025 | Соопштенија

Да се биде покровителка на Свечената академија по повод 5 Мај – Денот на македонскиот јазик, одржана во МАНУ, е ретка прилика и особена чест.

Да се говори пред академици, професори, министри, дипломати и пратеници, како и врвни познавачи, почитувачи и вљубеници во македонскиот јазик е голем предизвик.

Со задоволство ги слушав исклучителните излагања на претседателот на МАНУ, Живко Попов, министерката за образование и наука Весна Јаневска, министерот за култура и туризам Зоран Љутков и професорката Симона Груевска-Маџоска. Секој од нив, од свој агол и на автентичен начин ја осветли и расветли вековната генеза на македонскиот јазик пред неговата кодификација во 1945 година, една година по 2 Август 1944, кога на Првото заседание на АСНОМ беше прогласен за службен.

Еминентните говорници тргнаа од прасловенскиот јазик, вграден во старословенскиот, како прв книжевен јазик на Словените, никнат од говорот на македонските Словени околу Солун, како и од црковнословенските текстови од 10 и 11 век со специфични македонски зборови, продолжија со ракописите од крајот на 16 век, зачекорија во преродбата од 19 век.

Врвот на борбата за македонскиот јазик како книжевен сите го врзаа за Крсте Мисирков и „За македонцките работи“, како основа на кодификацијата од 1945 година.

Македонскиот јазик влезе во театарот преку драмите на Чернодрински, Иљоски, Крле и Панов и се пишуваше прекрасна поезија на македонски јазик. Среде Втората светска војна се печатат весници и буквари, а на ослободената територија се отвораат првите училишта на македонски јазик.

Кодификацијата што ја славиме, означи успешен крај на вековната македонска битка за свој јазик, како основен белег на македонскиот национален идентитет и посебност.

Кодификацијата е логично крунисување на заокружената генеза на македонскиот јазик како службен јазик на македонска држава и еден од трите службени јазици во Југословенската федерација!

Анахроно, нецивилизирано и парадоксално е да се негира македонскиот јазик. На него е создадена богата книжевност со врвна вредност, напишани се вредни научни трудови и речници, бројни лекторати за македонски јазик функционираат на познати универзитети.

Да си го почитуваме и сакаме македонскиот јазик оти тој е неразделен дел од нашиот уникатен македонски идентитет!

Гордана Сиљановска-Давкова

 

 

Категории

Categories

Kategori

Последни вести

Latest news

Lajmet e fundit

Повик за акредитирање на медиуми – Состанок на лидерите од Процесот Брдо-Бриони, 27 ноември 2026 година, Охрид

Повик за акредитирање на медиуми – Состанок на лидерите од Процесот Брдо-Бриони, 27 ноември 2026 година, Охрид

На 27 ноември 2026 година (петок), во хотелот „Инекс Олгица“ во Охрид, ќе се одржи состанок на лидерите на земјите учеснички во Процесот Брдо-Бриони, во организација на претседателката д-р Гордана Сиљановска-Давкова, заедно со претседателката на Република Словенија,...

Сиљановска-Давкова: Уставот е закон над законите и најважниот општествен договор на граѓаните, за каков пишува Русо

Сиљановска-Давкова: Уставот е закон над законите и најважниот општествен договор на граѓаните, за каков пишува Русо

Претседателката Гордана Сиљановска-Давкова се обрати и учествуваше на панел-дискусијата на настанот по повод 35-годишнината од осамостојувањето и донесувањето на првиот Устав, во организација на Собранието, ЈНУ Институт за национална историја и Државен архив. [gallery...

Сиљановска-Давкова: Без слободни и одговорни медиуми нема информиран демос, а без активни граѓани – нема демократија

Сиљановска-Давкова: Без слободни и одговорни медиуми нема информиран демос, а без активни граѓани – нема демократија

Претседателката Гордана Сиљановска-Давкова имаше воведно обраќање на 20. Форум на медиумите од Југоисточна Европа (SEEMF), што вчера се одржа во Скопје, на тема „Поблиски во регионот, посилни во Европа: Улогата на комуникациите и медиумите во зајакнувањето на имиџот,...

Сиљановска-Давкова на Самитот на ЕПЗ во Даблин: Европа не треба да си дозволи да остане недоволно поврзана со Западен Балкан

Сиљановска-Давкова на Самитот на ЕПЗ во Даблин: Европа не треба да си дозволи да остане недоволно поврзана со Западен Балкан

Претседателката Гордана Сиљановска-Давкова, денеска заедно со 50 шефови на европски држави и влади, учествуваше на Самитот на Европската политичка заедница во Даблин, чија централна тема е „Европа: силна, безбедна и поврзана“. Сиљановска-Давкова се обрати на панел...

Сиљановска-Давкова ќе учествува на деветтиот состанок на Европската политичка заедница во Даблин

Сиљановска-Давкова ќе учествува на деветтиот состанок на Европската политичка заедница во Даблин

Претседателката Гордана Сиљановска-Давкова, денеска, 12 ноември 2026 година, четврток, ќе учествува на деветтиот состанок на Европската политичка заедница во Даблин, Ирска. На настанот, што се одржува во рамки на ирското претседателство со Советот на Европската Унија,...