Во рамки на активноста Отворен Kабинет денеска Кабинетот на претседателот го посетија ученици од ООУ „Војдан Чернодрински“ од Скопје.
Посетителите ги разгледаа просториите во коишто се реализираат официјалните и работните средби на претседателот, како и салите во коишто се одржуваат состаноци, свечености, настани и прес-конференции. Во Мозаик салата го разгледаа впечатливиот диптих „Македонија – светла земја“ и „Македонија – земјата памети“ на академик Глигор Чемерски.
Учениците имаа можност пред претседателот Пендаровски да ги споделат нивните интереси во рамки на образовниот процес, нивните хобија и вонучилишни активности, а изразија интерес и за претседателската функција и редовните активности во Кабинетот.
Отворен Кабинет како дел од проектот Лице в лице со Претседателот, во континуитет овозможува граѓани од различни возрасти, професии и занимања, студенти од земјава и од странство и ученици од основни и средни училишта да остварат посета на Кабинетот и да се сретнат со претседателот Пендаровски.