Претседателката Гордана Сиљановска-Давкова оствари средба со амбасадорот на Република Австрија, Мартин Памер, на којашто разговараа за културната дипломатија и можностите за промоција на македонската уметност пред австриската јавност.
Обајцата се согласија дека културата е важен сегмент во севкупните билатерални односи и изразија задоволство од соработката меѓу австриските и македонските институции.
Сиљановска-Давкова посочи дека отворањето на македонски културен центар во Австрија би придонел за поголема промоција на македонската уметност и за јакнење на врските со дијаспората.
За претседателката, Австрија е еден од нашите најважни политички и економски партнери и водечки странски инвеститор во земјава. Таа ја поздрави претстојната конференција на австриските амбасадори од регионот, чиј домаќин ќе биде амбасадорот Памер и се заблагодари за принципиелната и гласна поддршка на македонскиот пат кон ЕУ.
Соговорниците се осврнаа на безбедносните предизвици со коишто се соочува Европа и ја потврдија важноста од итно интегрирање на земјите од Западен Балкан во Европската Унија врз основа на Копнехашките критериуми.
Амбасадорот го поздрави активниот ангажман на Сиљановска-Давкова во внатрешната и надворешната политика и ја потврди силната австриска поддршка за македонските евроинтеграции.
