Доделени 20 стипендии „Борис Трајковски“ за академската 2021/2022 година

6 декември 2021 | Соопштенија

Претседателот Стево Пендаровски денеска ги додели стипендиите „Борис Трајковски“, за академската 2021/2022 година, за студии од втор циклус за Пан-европската извршна МБА програма на Сити Колеџ, Европскиот кампус на Универзитетот Јорк.

Во своето обраќање, претседателот Пендаровски истакна дека инвестирањето во образованието на младите бизнис лидери е најсигурната инвестиција во успехот на нашата економија и иднината на нашето општество.

„Образованието треба да им помогне на младите не само да се стекнуваат со теоретски знаења, туку и да ги оспособи преку слободно и независно размислување да наоѓаат решенија за реалните предизвици и проблеми. И токму затоа ни се потребни млади луѓе како вас со претприемачки ум и дух, кои преку индивидуални напори и успех ќе донесат и заеднички успех за македонската економија“, рече претседателот Пендаровски, изразувајќи уверување дека со знаењата и вештините кои ќе ги стекнат кандидатите, ќе можат да придонесат за побрзо закрепнување на нашето стопанство и негово позиционирање врз здрави основи, подготвено за пост-КОВИД светот.

Претседателот Пендаровски во својот говор ја нагласи и двојната важност на стипендиите „Борис Трајковски“, кои освен во образованието, се инвестиција и во довербата меѓу двете држави.

Потсетувајќи на заложбите на претседателот Борис Трајковски, неговата сопруга Вилма Трајковска, истакна дека стипендиите коишто го носат неговото име се наменети за личности кои се подготвени да го изодат патот до успехот, притоа не правејќи компромис со чесноста и интегритетот.

„Нашата татковина мина низ исклучително тежок период. Но, ме радува што една од иницијативите на Борис што продолжува да дава плод е токму оваа стипендија што секоја година ја добиваат по дваесет стипендии за Пан-европската Извршна МБА програма. Тоа е вложување во вашиот успех, успехот на државата и на пријателството меѓу македонското и грчкото општество. А тоа е важен дел од сонот на Борис Трајковски“, истакна Трајковска.

Министерката за образование и наука, Мила Царовска упатувајќи честитки до стипендистите, им посака да бидат носители на промени и двигатели на процесите во областите за кои ќе се усовршат.

„Ви посакувам со успех да ги завршите студиите во предвидениот рок. Да се вратите тука, дома, полни со нови знаења кои сигурно ќе помогнат во развојот на земјата што вложила во Вас, го поддржала Вашето образование и верува дека со стекнатите квалитети и личниот потенцијал ќе го најдете своето место во општеството“, истакна министерката Царовска.

Говорејќи за програмата, директорот на Сити Колеџот во Солун, Јанис Верверидис, порача дека добитниците на стипендиите ќе имаат можност да стекнат пошироко искуство кое ќе им го промени начинот на размислување и дејствување, преку развивање на нови капацитети и квалитети.

„МБА програмата се спроведува од меѓународни професори со голем квалитет и има за цел да ги подобри вашите лидерски и менаџерски вештини и да развие современо знаење и разбирање за тековното глобално размислување на деловно поле. Тоа е вистинска меѓународна програма, која опфаќа една студиска недела во Јорк и една во Стразбур, и ви дава можност да студирате, да се сретнете и да се поврзете со вашите врсници од 25 други земји“, рече во своето обраќање, директорот на Сити Колеџот, Верверидис.

Стипендиите се резултат на заедничката активност и соработка на Претседателот на Република Северна Македонија и Министерството за образование и наука на Република Северна Македонија со Сити Колеџ, Европскиот кампус на Универзитетот Јорк.

Категории

Categories

Kategori

Последни вести

Latest news

Lajmet e fundit

Средба со претставници на Шаховска Федерација на Македонија

Средба со претставници на Шаховска Федерација на Македонија

Претседателот Стево Пендаровски денеска прими претставници на Шаховска Федерација на Македонија. На средбата беше разговарано за тековните активности на федерацијата, учеството на меѓународни натпревари, организирањето на европски...

Средба на претседателот Пендаровски со Ољта Џачка, министерка за Европа и за надворешни работи на Република Албанија

Средба на претседателот Пендаровски со Ољта Џачка, министерка за Европа и за надворешни работи на Република Албанија

Претседателот Стево Пендаровски денеска ја прими Ољта Џачка, министерка за Европа и за надворешни работи на Република Албанија, која престојува во официјална посета на Република Северна Македонија. На средбата беше изразено...

Делегација од Кабинетот на претседателот  положи цвеќе пред Споменикот на бранителите

Делегација од Кабинетот на претседателот положи цвеќе пред Споменикот на бранителите

Генералниот секретар при Кабинетот на претседателот на Република Северна Македонија Миле Бошњаковски, денеска, 26 март 2023 година, оддаде почит и положи свежо цвеќе пред Споменикот на Бранителите во паркот „Жена борец“ во Скопје, во чест на бранителите, кои...

Претседателот Пендаровски на одбележувањето на 25-годишнината од отворањето на Делегацијата на ЕУ во Скопје

Претседателот Пендаровски на одбележувањето на 25-годишнината од отворањето на Делегацијата на ЕУ во Скопје

Претседателот Стево Пендаровски денеска присуствуваше на одбележувањето на 25-годишнината од отворањето на Делегацијата на Европската Унија во Скопје. Честитајќи ја годишнината, претседателот Пендаровски изрази задоволство од досегашниот развој на односите меѓу...

Претседателот Пендаровски се обрати на Годишниот форум на „Виенската иницијатива“

Претседателот Пендаровски се обрати на Годишниот форум на „Виенската иницијатива“

Претседателот Стево Пендаровски се обрати пред учесниците на Годишниот форум на „Виенската иницијатива“ чиј домаќин е Народната банка на Република Северна Македонија. Во поздравното обраќање претседателот Пендаровски посочи дека овој форум на Иницијативата за...