Претседателката Сиљановска Давкова се обрати на Свечената академија по повод 65 години од формирањето на ФЕИТ

18 јуни 2024 | Соопштенија

Претседателката Гордана Сиљановска Давкова се обрати на Свечената академија по повод 65 години од формирањето на Факултетот за електротехника и информациски технологии (ФЕИТ).

Во своето обраќање, претседателката Сиљановска Давкова истакна дека ФЕИТ со севкупната работа која вклучува проекти, истражувања, иновации и следење на глобалните образовни и научни текови, неспорно е дека е успешен и релевантен пример на добри образовни и научни практики и важи за пионер во создавањето профили на кадри, соодветни на новите потреби на третиот милениум.

Честитајќи за постигнатите резултати, Претседателката рече дека тоа се и резултати коишто ги преминуваат нашите национални граници и се препознаени и вреднувани од меѓународната академска јавност. Претседателката Сиљановска Давкова истакна дека и во време на економска криза, македонската ИТ индустрија бележи континуиран раст. Оправдано, ФЕИТ денес е еден од најпопуларните факултети кај младата популација.

„Но, ако се стремиме кон успешна дигитална иднина, не смееме да заборавиме на нашиот најголем предизвик: мораме да ја задржиме тука, дома, младата, дигитална генерација“, нагласи претседателката Сиљановска Давкова додавајќи дека за да го спречиме одливот на мозоци, како еден од најголемите ризици за идниот развој на науката, потребни ни се севкупни и темелни реформи во државата, и пред сè, во високото образование.

Претседателката порача и дека не смееме да заборавиме дека наша примарна цел се конкурентното образование и наука, а тоа подразбира инвестирање во истражувањето и во развојот на современите технологии.

„Треба да им помогнеме на младите инженери и програмери да се вклучат во македонските иновациски системи, кои што привлекуваат инвестиции и ги задржуваат дома. Мора да ги следиме глобалните трендови што го диктираат развојот на националните економии и придонесуваат за благосостојбата и напредокот на целото општество“, рече претседателката Сиљановска Давкова.

Говорејќи дека целта на образованието е да се образуваат кадри што ќе бидат конкурентни на пазарот на трудот и со својот индивидуален успех, ќе придонесуваат за колективниот македонски успех, Претседателката нагласи дека ако не вложуваме во нивната сегашност, не можеме да вложуваме ни во нивната иднина, ниту во економската иднина на нашата земја.

„Со задоволство можам да кажам дека ФЕИТ, како членка на УКИМ, има сериозен придонес во осовременувањето на наставно – образовниот процес, во создавањето на технолошки лидери и во јакнењето на врските со македонското стопанство“, оцени претседателката Сиљановска Давкова.

 

Категории

Categories

Kategori

Последни вести

Latest news

Lajmet e fundit

Претседателката Сиљановска Давкова прими претставници на македонски здруженија во Албанија

Претседателката Сиљановска Давкова прими претставници на македонски здруженија во Албанија

Претседателката Гордана Сиљановска Давкова денеска во Вила Билјана во Охрид, прими претставници на македонски здруженија во Република Албанија. На средбата на којашто присуствуваа Едмонд...

Средба со претставници на Обединетата Македонска Дијаспора

Средба со претставници на Обединетата Македонска Дијаспора

Претседателката Гордана Сиљановска Давкова денеска, во Вила Билјана во Охрид, ги прими Мето Колоски и Гордан Јорданов од Обединетата Македонска Дијаспора. На средбата, претседателката беше информирана за тековните проекти и...

Претседателката Сиљановска Давкова во посета на зоната на пожари во неготинско – донесена одлука за ангажирање на дополнителни 200 армиски припадници

Претседателката Сиљановска Давкова во посета на зоната на пожари во неготинско – донесена одлука за ангажирање на дополнителни 200 армиски припадници

Претседателката Гордана Сиљановска Давкова, денеска ги посети припадниците на Армијата вклучени во гаснењето на големиот шумски пожар на планината Серта, кај неготинското село Калањево. Претседателката Сиљановска Давкова од страна на директорот на Центарот за...

Работна средба на претседателката Сиљановска Давкова со амбасадорите на земјите од Вишеградската група

Работна средба на претседателката Сиљановска Давкова со амбасадорите на земјите од Вишеградската група

Претседателката Гордана Сиљановска Давкова денеска оствари работна средба со амбасадорите на земјите од Вишеградската група, на која присуствуваа амбасадорот на Република Полска, Кшиштоф Гжелчик, на Чешката Република, Јарослав Лудва, на Словачката Република, Хенрик...

Претседателката Сиљановска Давкова прими членови на Комисијата за спречување и заштита од дискриминација

Претседателката Сиљановска Давкова прими членови на Комисијата за спречување и заштита од дискриминација

Претседателката Гордана Сиљановска Давкова денеска прими членови на Комисијата за спречување и заштита од дискриминација (КСЗД). На средбата членовите на Комисијата ја запознаа претседателката Сиљановска Давкова со тековните...