Presidenti i Republikës së Maqedonisë së Veriut, Stevo Pendarovski, qytetarëve u uroi festën e Lindjes së Krishtit- Krishtlindjes.
Bashkëqytetarë të nderuar,
Më lejoni, t’ju uroj festën e madhe krishtere Lindjen e Krishtit- Krishtlindjen
Nga zemra dëshiroj që ditët e festës t’i presim me shëndet, lumturi dhe gëzim, duke dhuruar dashuri dhe harmoni me më të afërmit. Ditët festive që i kalojmë në shtëpitë tona përplot me dritë dhe ngrohtësi, le të jenë frymëzim që të kujdesemi dhe t’ua zgjasim dorën atyre që kanë nevojë për mbështetje materiale dhe shpirtërore.
Të nderuar,
Lindja e Krishtit është festë që i jep kuptim njerëzores brenda nesh dhe na ngulit besimin në të nesërme më të mirë, përplot me paqe, dashuri dhe mirëqenie. Mesazhet e kësaj feste le të prekin në zemrat tona dhe le të na ndjekin gjatë tërë vitit, duke na dhënë forcë që bashkë të ballafaqohemi me të gjitha sfidat e ardhshme. Vetëm të bashkuar, solidar, duke treguar kuptim dhe respekt të ndërsjellë, do të kemi përparim dhe zhvillim personal dhe përparim të atdheut tonë.
Urime Krishtlindjen!
Krishti u lind!
Stevo Pendarovski,
Presidenti i Republikës së Maqedonisë së Veriut
