Presidentja Gordana Siljanovska Davkova sot pasdite kishte bisedë telefonike me Presidentin e Republikës së Serbisë, Aleksandar Vuçiq.
Në këtë bisedë u konfirmuan marrëdhëniet e shkëlqyera bilaterale dhe u theksua gatishmëria për përparimin e mëtejshëm të miqësisë maqedonase-serbe, për konkretizimin e bashkëpunimit në disa fusha dhe përforcimin e mbështetjes së ndërsjellë në perspektivat evropiane dhe proceset eurointegruese të të dyja vendeve.
Në prag të festës shtetërore 2 Gusht – Ilinden, kurse në frymën e marrëdhënieve të mira fqinjësore dhe përpjekjeve për thellimin e lidhjeve miqësore midis dy popujve, Presidentja Siljanovska Davkova dhe Presidenti Vuçiq shprehën gatishmërinë e tyre për të vizituar bashkërisht manastirin e Shën. Prohor Pçinskit dhe për të kremtuar 80-vjetorin e mbajtjes së Mbledhjes së Parë të Kuvendit Antifashist Nacionalçlirimtar të Maqedonisë (KANÇM).
Në këtë bisedë, Presidentja Siljanovska Davkova e falënderoi Presidentin Vuçiq për ndihmën e dhënë në përballimin me zjarret aktuale në pyje në vend dhe e theksoi domosdoshmërinë dhe rëndësinë e përforcimit të bashkëpunimit rajonal në ballafaqimin me fatkeqësitë natyrore.
