Presidentja Gordana Siljanovska Davkova priti sot përfaqësues të diasporës maqedonase në Kanada, përfshirë sipërmarrësit kanadezë John Bitov Jr. dhe Jordan Bitov, pjesëmarrës në samitin “Maqedonia 2025”.
Ajo u falënderoi atyre për kontributin e gjatë të diasporës maqedonase në Kanada sa i përket forcimit të lidhjeve ekonomike, arsimore, shkencore dhe kulturore me vendin amë, si dhe promovimit të interesave dhe potencialit maqedonas në nivel ndërkombëtar.
Në këtë takim u potencua rëndësia e iniciativave të tilla si “Maqedonia 2025”, të cilat kontribuojnë në lidhjen e komunitetit të biznesit vendas me profesionistë dhe investitorë të suksesshëm nga diaspora, duke inkurajuar sipërmarrjen, inovacionin dhe zhvillimin ekonomik.
Presidentja Siljanovska Davkova i informoi ata në detaje mbi prioritetet politike të brendshme dhe të jashtme të vendit, me një fokus të veçantë mbi proceset e integrimit europian. Ata, nga ana tjetër, theksuan mundësinë e intensifikimit të marrëdhënieve kanadeze-maqedonase në nivelin më të lartë.
Bashkëbiseduesit shprehën gatishmërinë e tyre për thellimin e bashkëpunimit të gjithanshëm dhe afirmimin ndërkombëtar të vendit.
