Gordana Siljanovska Davkova, e shoqëruar nga shefi i Shtabit të Përgjithshëm të Armatës, gjenerallejtënant-kolonel Vasko Gjurchinovski, sot ka vizituar pjesëtarët e Armatës të Batalionit të Forcave Speciale, të cilët janë duke zhvilluar stërvitje në Qendrën e trajnimit në ujë në Ohër.
Në suazat e vizitës, kryetarja Siljanovska Davkova u njoh me kapacitetet e Batalionit të Forcave Speciale, si dhe për stërvitjen dhe aftësitë e pjesëtarëve të njësitit, të cilat u prezantuan nëpërmjet ushtrimeve demonstruese për kryerjen e operacioneve në ujë dhe prezantimin e arteve luftarake.
Pjesëmarrësit e Batalionit të Forcave Speciale, nëpërmjet stërvitjes metodike demonstruese, kanë demonstruar procedurat që janë pjesë e operacioneve speciale në situatë krize pengmarrëse në mjet lundrues, kurse në stërvitje është përfshirë edhe helikopter MI-8/17 nga VING-u i Armatës. Pjesëtarët e njësisë “Ujqërit” zhvilluan një ushtrim të shkurtër demonstrues, ku prezantuan disa nga artet marciale.
Presidentja i përgëzoi për ushtrimet e kryera me sukses, duke theksuar se niveli i lartë i stërvitjes për kryerjen e detyrave komplekse, që u demonstrua sot nga pjesëtarët e Batalionit të Forcave Speciale, si dhe trajnimi në sportet marciale, vërteton profesionalizmin, përkushtimin dhe performancën e ushtrisë sonë, e cila i përmbush detyrat me dinjitet dhe disiplinë sipas standardeve të NATO-s. Ajo theksoi se kjo është edhe një dëshmi se pse Armata i ka merituar notat e larta dhe e gëzon besimin më të lartë te qytetarët.
Në atë drejtim, Presidentja Siljanovska Davkova rekomandoi se Armata, si shtyllë e sigurisë nacionale dhe kolektive, është e domosdoshme të vazhdojmë të investojmë në modernizimin e mëtejshëm dhe në edukimin e përfaqësuesve të armatës.
