Presidentja Gordana Siljanovska Davkova me rastin e festës së madhe të krishterë Krishtlindjet u dërgoi urime të gjithë qytetarëve të cilët e festojnë Lindjen e Krishtit, Kryepeshkopit të Ohrit dhe Maqedonas dhe të Justinianit të Parë, z.z. Stefan dhe Kryetarit të Përfaqësisë kishtare të Kishës Evangjeliste-Metodiste, Emil Zaev.
Të nderuar,
Kam kënaqësinë dhe nderin e veçantë të gjithë qytetarëve të cilët e festojnë Lindjen e Krishtit, t’Ju uroj festën e madhe të krishterë – Krishtlindjen dhe t’ju dëshiroj ta kaloni në shëndet të mirë të mbushur me gëzim dhe lumturi.
Krishtlindjet, ishin, janë dhe mbeten përgjithmonë festa më hyjnore dhe më e ndritshme e krishterë, simbol i jetës, dashurisë, respektit dhe solidaritetit.
Lindja e Krishti na mëson dhe inspiron si të duam, të shpërhapim paqe dhe harmoni, të ndihmojmë të pafuqishmit, të japim mbështetje dhe të ofrojmë ngushëllim pa rezervë.
Krishtlindjet e simbolizojnë vitalitetin e besimit dhe shpresës, si thelbësore për natyrën njerëzore.
T’i hapim në këtë ditë hyjnore zemrat për të gjithë njerëzit, që të përpiqemi ta kuptojmë nevojën e të gjithëve për lumturi, të kontribuojmë në mirëqenien shoqërore. Ta dëgjojmë thirrjen baritore të Kishës Ortodokse Maqedonase dhe të hyjmë në katedralet e Zotit që ta përforcojmë shpirtëroren personale dhe nacionale.
Krishti u lind!
Gordana Siljanovska Davkova
