Presidentja Gordana Siljanovska Davkova sot në Vilën Biljana në Ohër u takua me atletin maqedonas në staza të gjata dhe të mesme, maratonikun Dario Ivanovski, i cili nesër do të garojë në edicionin e 8-të të Fundjavës atletike “Ohri vrapon” (Ohrid trçaT).
Presidentja Siljanovska Davkova e përgëzoi atletin më të mirë maqedonas, Dario Ivanovski dhe trajnerin e tij, majorin Igor Jakimovski për kualifikimin këtë vit në Lojërat verore olimpike në Paris.
Ivanovski e njohu Presidenten me përgatitjet për paraqitjen në Lojërat Olimpike në Paris.
Presidentja tha se sukseset e sportistëve maqedonas janë krenari të madhe për mbarë shtetin dhe se është e domosdoshme të kujdesemi për përfaqësuesit tanë më të suksesshëm në çdo fushë. Ajo, duke theksuar se sporti dhe kultura fizike janë një nga faktorët më të rëndësishëm për shëndetin e kombit, për kohezionin e brendshëm dhe promovimin e jashtëm të shtetit, i uroi Ivanovskit shumë suksese në Lojërat olimpike, si dhe në karrierën e tij të mëtejshme.
Ivanovski është një nga atletët më të mirë ballkanikë me një numër të madh rekordesh maqedonase dhe ballkanike dhe tani është sportisti i vetëm maqedonas me kualifikim të konfirmuar në Lojërat verore olimpike.
