Presidentja Gordana Siljanovska Davkova sot i mirëpriti priti në Vilën Biljana në Ohër përfaqësuesit e shoqatave maqedonase në Republikën e Shqipërisë.
Në këtë takim morën pjesë Edmond Temelko, Spiro Malevski dhe Eleonora Mazenkovski nga Organizata për mbrojtjen e të drejtave të maqedonasve në Shqipëri – “Prespa”, Besnik Hasani nga Shoqëria maqedonase “Most”, Mehmed Hoxha nga Shoqëria “Gora”, Pandi Jani nga Partia e Lirisë për Prespën e Vogël dhe veprimtari maqedonas Pande Simonovski nga Tirana, Presidentja u njoh me aktivitetet aktuale të maqedonasve në Shqipëri të fokusuara në mbrojtjen dhe afirmimin e gjuhës, kulturës dhe traditave maqedonase.
Presidentja Siljanovska Davkova shprehu kënaqësinë për kontributin e tyre të rëndësishëm në mjediset në të cilat jetojnë dhe punojnë, duke i përmirësuar vazhdimisht marrëdhëniet maqedonase-shqiptare.
Në bisedë u shkëmbyen mendime mbi rezultatet e regjistrimit të fundit në Shqipëri, ku përfaqësuesit e pakicës kombëtare maqedonase, duke iu referuar të drejtave dhe lirive të maqedonasve në Shqipëri, shprehën pakënaqësi për regjistrimin e kryer. Duke theksuar respektimin e përkatësisë etnike, fetare, gjuhësore dhe të identitetit të pakicave, si vlerë themelore evropiane, Presidentja Siljanovska Davkova e theksoi rëndësinë që regjistrimi i popullsisë, pa përjashtim, të reflektojë gjithmonë realitetin në çdo shoqëri.
Në takimin me përfaqësuesit e shoqatave maqedonase morën pjesë edhe ministri i Punëve të Jashtme dhe Tregtisë së Jashtme, Timço Mucunski, deputetja në Kuvendin maqedonas, Rashela Mizrahi dhe ish-ambasadori në Republikën e Shqipërisë, Vele Tërpeski.
