Me rastin e festimit të 2 Gushtit, Ilindenit – Dita e Republikës, me mbështetje nga Presidentja Gordana Siljanovska Davkova, nesër – 2 gusht 2024, e premte, janë parashikuar aktivitetet në vijim:
Në Pelince, me fillim në orën 10:00, Presidentja Siljanovska Davkova do të vendosë lule të freskëta pranë në Qendrës memoriale të KAÇKM-së, do të mbajë fjalim dhe do të vizitojë dhomën përkujtimore në Qendrën memoriale. Në suazat e festimit do të interpretojë ansambli i valleve dhe këngëve popullore “Tanec”.
Ekipet e akredituara të mediave është e obligueshme të jenë në Pelince më së voni deri në orën 08:30.
Në manastirin “Shën. Prohor Pçinski” me fillim në orën 12:00, Presidentja Gordana Siljanovska Davkova do të vendosë lule të freskëta para pllakës përkujtimore të KAÇKM-së.
Në manastirin “Prohor Pçinski”, Presidentja Siljanovska Davkova do të mirëpritet nga Presidenti i Republikës së Serbisë, Aleksandar Vuçiq. Të dy presidentët do të kenë takim bilateral, pas së cilit janë paraparë deklarata për mediat.
Në përbërjen e delegacionit shtetëror-kishtar të cilin e udhëheq Presidentja Siljanovska Davkova në festimin në manastirin “Shën. Prohor Pçinski” janë nënkryetarja e Kuvendit, Vesna Bendevska, zëvendëskryeministri i Qeverisë dhe ministri për Marrëdhënie midis Bashkësive, Ivan Stoillkoviq, ambasadori maqedonas në Republikën e Serbisë, Nikolla Tupançevski, përfaqësuesit e Lidhjes së luftëtarëve, Naum Burevski dhe Snezhana Nestorovska dhe mitropoliti i Kumanovës dhe Osogovisë Grigorij.
Vendosje e luleve nga delegacionet e Kabinetit të Presidentit
- Në Shkup, delegacion nga Kabineti i Presidentit, do të vendosë lule pranë përmendores së KAÇKM-së në parkun “Gruaja luftëtare”, pranë përmendores së Nikolla Karevit para Kuvendit dhe pranë përmendores së Metodija Andonov-Çento në sheshin “Maqedonia”.
- Në Krushevë, delegacion i Kabinetit të Presidentit do të vendosë lule pranë varrit të Nikolla Karevit, pranë përmendores së heronjve në vendin “Sliva” dhe në “Meçkin kamën”.
- Në Smilevë, delegacion nga Kabineti i Presidentit do të vendosë lule të freskëta në Mogilën e Dame Gruevit, pranë përmendores së ilindenasve së Smilevës dhe pranë pllakës përkujtimore të Njësisë partizane “Dame Gruev”.
