Presidenti Stevo Pendarovski, në suazat e pjesëmarrjes në Forumin Botëror Ekonomik në Davos, u takua me Xhejms O’Brajan, zëvendëssekretarin shtetëror për çështje evropiane dhe evroaziatike në Stejt Departament amerikan.
Në takim u bisedua mbi çështjet aktuale lidhur me integrimet evropiane të Maqedonisë së Veriut, mbi procesin e reformave, si edhe mbi gjendjen politike në shtetin tonë dhe në rajon.
Në takim u riafirmua mbështetje e SHBA-së për aspirimet evropiane të Maqedonisë së Veriut dhe u shpreh pritja nga Uashingtoni zyrtar se shteti do të vazhdojë rrugën drejt anëtarësimit të plotë në Bashkimin Evropian.
