Presidenti Stevo Pendarovski, në suazat e pjesëmarrjes në Takim e 54-t vjetor të Forumit Ekonomik Vjetor, sot në Davos u takua me përfaqësuesin e posaçëm të Bashkimit Evropian për Ballkanin Perëndimor dhe dialogun Beograd-Prishtinë, Mirosllav Llajçak.
Në takim u shkëmbyen mendime mbi ngjarjet aktuale dhe sfidat kryesore rajonale, për pritjet nga dialogu Beograd-Prishtinë dhe mbi rëndësinë e bashkëpunimit të përforcuar rajonal si një nga parakushtet kryesore për paqe të qëndrueshme, stabilitet dhe prosperitet të Ballkanit.
Në raport me perspektivat e Maqedonisë së Veriut, të dy bashkëfolësit e theksuan domosdoshmërinë e qasjes së përgjegjshme të të gjithë faktorëve politikë, për sigurimin e zbatimit të tërësishëm të proceseve reformuese dhe ruajtjen e kursit evropian të shtetit.
Presidenti Pendarovski dhe përfaqësuesi i posaçëm i BE-së Llajçak e theksuan rëndësinë e vazhdimit të komunikimit të rregullt dhe shkëmbimit të mendimeve dhe informacioneve të interesit të ndërsjellë.
