Përfaqësues nga Kabineti i Presidentit të Republikës së Maqedonisë së Veriut dhe Fondacionit për internet dhe shoqëri “Metamorfozis” – Shkup, sot nënshkruan memorandum për bashkëpunim për mbështetje të aktiviteteve të Qendrës Presidenciale për Edukim Politike.
Memorandumin e nënshkruan sekretari i përgjithshëm i Kabinetit, Mile Boshnjakovski dhe drejtori ekzekutiv i Fondacionit, Bardhyl Jashari.
Me memorandumin e nënshkruar për bashkëpunim është paraparë mbështetje e Kabinetit të Presidentit në realizimin e aktiviteteve mbi temën rezistenca ndaj dezinformacioneve në suazat e Qendrës Presidenciale për Edukim Politik, puna e të cilës zhvillohet nën mbështetjen e Presidentit Stevo Pendarovski.
Në përputhje me memorandumin, bashkëpunimi do të zhvillohet me realizim të përbashkët të aktiviteteve dhe ngjarjeve, zbatimin e hulumtimeve, përgatitjen e analizave, organizimin e seminareve edukative, debateve publike dhe konferencave, si dhe të aktiviteteve të tjera me qëllim të përforcimit të kapaciteteve.