Presidentja Gordana Siljanovska Davkova u ndau certifikata pjesëmarrësve të edicionit të pestë të “Kampit të Ohrit për Përsosmëri të Teknologjisë së Lartë”, që po mbahet me mbështetje të saj, kurse organizohet nga Organizata “Maqedonia 2025” në Ohër.
Pjesëmarrësit në këtë kamp, i prezantuan projektet e tyre të bëra nga tullat Lego me temë: „FIRST®LEGO® League – FIRST® DIVE℠: SUBMERGED℠“, me fokur mbi oqeanet si subjekt hulumtimi. Zgjidhjet me tullat Lego në këtë vit synojnë zvogëlimin e ndotjes së oqeaneve dhe mbrojtjen e specieve të rrezikuara.
E impresionuar nga inovacionet Lego, Presidentja Gordana Siljanovska Davkova e mirëpriti dhe e mbështeti frymën kërkimore si një çelës zhvillimi.
Për të, ky kamp paraqet projekt i suksesshëm jo vetëm për shkak të stimulimit të aktiviteteve krijuese teknologjike, por edhe për shkak të ripërtëritjes së lidhjes me atdheun, mësimit të gjuhës maqedonase, shoqërimit, krijimit të miqësive.
Ajo njeh tek ata shkencëtarë të ardhshëm që do të jenë krenarë jo vetëm për vendin në të cilin jetojnë, por edhe për ne.
Për Presidenten Siljanovska Davkova, një nga qëllimet e saj më të rëndësishme është të rivendosë besimin e qytetarëve dhe të rinjve në vend, t’i interesojë ata për politikën, si dhe t’i përforcojë lidhjet me diasporën.
Në edicionin e këtij viti të kampit po marrin pjesë 22 të rinj nga SHBA-ja, Kanadaja, Franca, Kroacia, Sllovenia, Malta, si dhe pjesëmarrës nga pjesë të ndryshme të vendit, të cilët kanë mundësinë që të programojnë komponentë FABLE përmes punës praktike nën mentorimin e “Brainster”, duke zgjidhur sfida reale të frymëzuara nga jeta e përditshme. Programi i kampit i udhëhequr nga Akademia e Robotikës dhe Inovacionit dhe “STEM Robotics Koçani”, në partneritet me “Young Engineers Shkup”, përfshin teknologjinë e njohur botërisht “LEGO® Education” dhe programet STEM të licencuara nga Izraeli, që përdoren në mbi 50 vende të botës.
