Presidentja Gordana Siljanovska Davkova, në cilësinë e saj si patrone e Maratonës së Notit të Ohrit, i ndau shpërblimet fituesve në bazë të rezultateve të regjistruara në momentin e ndërprerjes së garës.
Në këtë manifestim prestigjioz sportiv i cili për herë të 38-të u mbajt në Ohër në konkurrencën e femrave fituese është Majte Ajlen Puka, përderisa fitues në konkurrencën e meshkujve janë Mateo Furlan, Federiko Tamborino dhe Matias Dias Hernandes.
Presidentja Siljanovska Davkova i ka uruar fituesit dhe të gjithë pjesëmarrësit në këtë maratonë, duke u shprehur mirënjohje për qëndrueshmërinë, përkushtimin dhe frymën sportive.
Ajo u dëshiroi shëndet të mirë dhe suksese të reja sportive.
Në shtegun “Klime Savin”, këtë vit u garuan 16 notues nga gjashtë shtete: dhjetë në konkurrencën e meshkujve dhe gjashtë në konkurrencën e femrave, në mesin e të cilëve, katër garues nga Maqedonia e Veriut.
