Në suazat e aktivitetit Kabinet i hapur, sot Kabinetin e Presidentit e vizituan nxënësit nga gjimnazi shkupian “Josip Broz – Tito”.
Vizitorët kishin mundësi të takohen dhe të bisedojnë me Presidentin Pendarovski për punën dhe kompetencat e tij, për aktivitetet që mbahen në Kabinet, si dhe për çështje aktuale shoqërore-politike.
Nga të punësuarit në Kabinet u njohën mbi historinë e objektit ku është vendosur Kabineti i Presidentit, mbi mënyrën e funksionimit të këtij institucioni, kurse kishin mundësi ta shikojnë edhe diptikun impozant “Maqedonia – vend i ndritur” dhe “Maqedonia kujton”, vepër e një prej artistëve tanë më të rëndësishëm bashkëkohorë – akademikut Gligor Çemerski, të vendosur në sallën Mozaik.
Kabineti i hapur si pjesë e projektit “Ballë për ballë me Presidentin” mundëson takime të drejtpërdrejta të qytetarëve me Presidentin Stevo Pendarovski. Deri më tani Kabinetin e kanë vizituar qytetarë të moshave dhe profesioneve të ndryshme, studentë nga vendi dhe jashtë, si dhe nxënës të shkollave nëntëvjeçare dhe të mesme.
