Presidentja Gordana Siljanovska Davkova sot i mirëpriti përfaqësuesit e Organizatës “Maqedonasit e bashkuar” nga Kanadaja.
Në këtë takim ku morën pjesë kryetari i OOMK-së, Risto Durllovski dhe sekretari Dragi Stojkovski, Presidentja Siljanovska Davkova u informua mbi aktivitetet dhe qëllimet aktuale të organizatës dhe për veprimet e tyre në drejtim të përfaqësimit të interesave dhe nevojave të bashkësisë maqedonase në Kanada.
Në këtë drejtim, përfaqësuesit e organizatës e njohën Presidenten me aktivitetet e tyre për ruajtjen dhe promovimin e traditës, kulturës dhe gjuhës maqedonase, si dhe arritjet dhe sukseset e tyre në fusha të ndryshme në shoqërinë kanadeze, nëpërmjet të cilave kontribuojnë në afirmimi i atdheut dhe përforcimin e marrëdhënieve midis dy shteteve.
Presidentja e theksoi përkushtimin e saj për kultivimin dhe thellimin e marrëdhënieve me mërgimtarët maqedonas, duke theksuar se ata janë një segment i rëndësishëm për zhvillimin e përgjithshëm të shtetit tonë dhe është e domosdoshme të ndërtohen lidhje të qëndrueshme nëpërmjet bashkëpunimit, hapjes së mundësive afariste, transferimit të njohurive dhe investimeve.
Bashkëbiseduesit shkëmbyen mendime mbi çështjet e interesit kombëtar, të cilat i shqetësojnë edhe mërgimtarët maqedonas, si dhe mbi rolin e tyre në zhvillimin ekonomik dhe demokratik të vendit.
