Presidentja Siljanovska Davkova i pranoi letrat kredenciale të ambasadorit të sapoemëruar të Kirgistanit, Rusllan Kazakbaev

26 Mars 2025 | Kumtesat

Presidentja Gordana Siljanovska Davkova sot i pranoi letrat kredenciale të ambasadorit të sapoemëruar të Republikës së Kirgistanit, me seli në Ankara, Rusllan Kazakbaev.

Presidentja Siljanovska Davkova e falënderoi për letrën e ngushëllimeve të dërguar nga Presidenti kirgistanas, Sadir Zhaparov.

Ajo theksoi se midis dy vendeve ekziston potencial i pashfrytëzuar dhe hapësirë për thellim të mëtejshëm të bashkëpunimit në planin politik, ekonomik dhe kulturor, si dhe në kuadër të organizatave ndërkombëtare. Në këtë drejtim, ajo shprehu bindjen se emërimi i ambasadorit Kazakbaev do të shënojë fillimin e një kapitulli të ri në zhvillimin e marrëdhënieve dhe bashkëpunimit bilateral.

Bashkëbiseduesit e theksuan nevojën për intensifikimin e dialogut politik dhe lidhjen e marrëveshjeve që përcaktojnë kuadrin juridik të bashkëpunimit ekonomik-tregtar. Me qëllim të vendosjes së një bashkëpunimi konkret në fushat me interes të përbashkët, Presidentja e inkurajoi miratimin e iniciativave tashmë të ndërmarra.

Ambasadorit të sapoemëruar ajo i uroi mandat të suksesshëm dhe shprehu mbështetje të plotë në ushtrimin e detyrës së tij diplomatike.
Ai i përcolli Presidentes një ftesë nga Presidenti Sadir Zhaparov për të vizituar Republikën e Kirgistanit.

 

Категории

Categories

Kategori

Последни вести

Latest news

Lajmet e fundit

Siljanovska-Davkova në vizitë pune në Republikën e Kazakistanit

Siljanovska-Davkova në vizitë pune në Republikën e Kazakistanit

Presidentja Gordana Siljanovska Davkova nga sot gjendet në vizitë pune në Republikën e Kazakistanit, ku nesër, të mërkurën, më 28 maj, do të takohet me Presidentin Kasim Zhomart Tokajev dhe do të marrë pjesë në Forumin Ndërkombëtar Astana 2025. Të enjten, më 29 maj,...