Me keqardhje të thellë e mora lajmin për ndarjen nga jeta të Mitropolitit të nderuar z. Timotej. Vdekja e tij është një humbje e madhe për Kishën Ortodokse Maqedonase – Kryepeshkopata e Ohrit, por edhe për të gjithë besimtarët ortodoksë.
Mitropoliti Timotej ishte një mësues dhe udhëheqës i shquar dhe i respektuar, i cili jetën ia përkushtoi kishës, besimit dhe shpëtimit të besimtarëve të vet.
Me përkushtimin ndaj punës së Zotit, me mençuri dhe me mundin e palodhshëm, e ka përforcuar vazhdimisht besimin, e ka udhëhequr popullin në rrugën e Zotit dhe e ka ndihmuar ndërtimin shpirtëror dhe material të kishës, si në atdhe ashtu edhe në diasporë.
Njihej si mësues dhe predikues i jashtëzakonshëm i besimit ortodoks.
Iu dedikua tërësisht shërbimit fetar në Dioqezën e Australisë dhe Dibër-Kërçovës.
Vendosmëria e tij në mbrojtjen dhe përparimin e autoqefalisë së Kishës Ortodokse Maqedonase – Kryepeshkopata e Ohrit është kontribut i paçmueshëm për trashëgiminë shpirtërore maqedonase.
Zoti i dhëntë prehje të përjetshme.
Lavdi tij,
Gordana Siljanovska Davkova
