Presidentja Gordana Siljanovska Davkova mori pjesë në mbrëmjen maqedonase në Tetovë, si pjesë e manifestacionit kulturor, artistik dhe sportiv të këtij viti “Tetova feston – Vera Kulturore e Tetovës 2025”.
Në qendër të Tetovës, shoqata kulturore dhe artistike “Kiril Pejčinović” nga Tearca e Tetovës, grupi rok “The Nameless Trio”, muzikanti pop Vlatko Lozanoski – Lozano, me grupin e tij, si dhe reperi tetovar Nikola Trpeski S.A.M. e kanë shfaqjen e tyre.
Presidentja Siljanovska Davkova përshëndeti edicionin e katërt të këtij manifestacioni kulturor, artistik dhe sportiv dhe theksoi se ai respekton multikulturalizmin dhe synon një garë kulturore dhe sportive.
Së pari, në hapësirat e komunës, ajo pati takim jonformal me kryetarin e komunës Bilal Kasami, me ftesën e të cilit ajo mori pjesë në manifestacionin e lartpërmendur. Të dy besojnë në potencialin unik turistik të rajonit të Tetovës, në mundësitë e zhvillimit të shpejtë lokal, si dhe në ndikimin e tij pozitiv mbi atë kombëtar.
Kryetari Kasami theksoi se ishte i nderuar nga prania e Presidentes Siljanovska Davkova, duke shprehur kënaqësinë e tij që ndan momente të bukura me të gjithë banorët e Tetovës, pavarësisht nga përkatësia etnike dhe fetare, mosha dhe statusi.
Sipas Presidentes Siljanovska Davkova, ideja e organizatores për të mbajtur një mbrëmje kulturore maqedonase, shqiptare, turke dhe rome është për t’u mirëpritur, si një shprehje e pamohueshme e respektit dhe mirëkuptimit të ndërsjellë.
Për të, muzika dhe vallëzimi stimulojnë kohezionin shoqëror dhe inkurajojnë bashkëjetesën paqësore dhe të pasur.
