Presidentja Gordana Siljanovska Davkova priti në takim Nasser Bourita, ministër i Punëve të Jashtme, Bashkëpunimit Afrikan dhe Emigrantëve Marokenë të Mbretërisë së Marokut, i cili ndodhet në vizitë zyrtare në vend.
Sipas saj, Maroku, si një nga vendet kryesore në rajonin MENA, paraqet urë natyrore politike dhe ekonomike midis Europës dhe Afrikës së Veriut, me rol kyç në stabilitetin dhe prosperitetin rajonal, si dhe në garantimin e paqes dhe sigurisë ndërkombëtare.
Ministri Burita, në vizitën e tij të parë zyrtare në shtetin maqedonas, njeh fillimin e epokës së re në krijimin e marrëdhënieve të ndërsjella.
Presidentja Siljanovska Davkova theksoi rëndësinë e bashkëpunimit të ndërsjellë në organizatat ndërkombëtare, veçanërisht në kuadër të OKB-së, Organizatës Ndërkombëtare të Frankofonisë, si dhe në Unionin e Mesdheut.
Për bashkëbiseduesit, Marrëveshja bilaterale e bashkëpunit kulturor, të cilën qeveritë e nënshkruan në dhjetor të vitit të kaluar, do të thellojë mirëkuptimin dhe respektin e ndërsjellë.
Ministri maroken shprehu gatishmërinë për bashkëpunim strategjik në fushën e energjisë.
Ai, në emër të Mbretit të Marokut, bëri ftesë për ta vizituar Mbretërinë e Marokut.
