Presidentja Siljanovska Davkova u takua dje në mbrëmje me pjesëmarrësit në ekspeditën ndërkombëtare “Vrelo 2026” dhe me anëtarët e Klubit Speleologjik të Zhytjes “Vrelo”, të cilët e informuan atë për rrjedhën e ekspeditës dhe suksesin historik me të cilin shpella “Vrelo” në kanionin Matka, me thellësi të eksploruar prej 338 metrash, u bë shpella më e thellë nënujore në botë e eksploruar nga njeriu.
Ajo i përgëzoi ata për këtë arritje të jashtëzakonshme, duke theksuar se shpella “Vrelo” paraqet fenomen natyror që ndez shpirtin e eksplorimit dhe kuriozitetin për zbulimin e sekreteve të natyrës.
Për të, rekordi botëror nuk paraqet vetëm njohje e njohurive, guximit dhe këmbënguljes së speleologëve, por edhe mundësi e vërtetë për afirmimin ndërkombëtar të trashëgimisë kulturore të Maqedonisë si të jashtëzakonshme.
Zhytësit e shpellave e informuan Presidenten Siljanovska Davkova për sfidat me të cilat u përballën gjatë zhytjes, njohuritë e pazakonta në botën nënujore të shpellës “Vrelo”, siç janë uji kristalor dhe temperatura e moderuar prej rreth pesëmbëdhjetë gradësh, dy kanalet e sapozbuluara dhe mbi 150 metra korridore të reja të mëdha.
Sipas pjesëmarrësve në këtë zbulim unik, shpella “Vrelo” paraqet fenomen natyror madhështor dhe misterioz me tërheqje magjike, një nga shpellat nënujore më interesante për ta deri më tani.
Ata shprehën mirënjohjen e tyre për patronazhin e pranuar të përgjithshëm, duke theksuar rëndësinë e tij për realizimin me sukses të ekspeditës.
Presidentja Siljanovska Davkova u uroi atyre suksese në përpjekjet e tyre të ardhshme dhe shprehu bindjen e saj se suksesi i tyre është frymëzues për shumë zhytës të tjerë të shpellave.
