Presidentja Gordana Siljanovska Davkova sot i mirëpriti drejtoreshën e IN “Vera e Ohrit”, Natasha Popoviq, përzgjedhëset Bisera Çadllovska dhe Sanja Arsovska, në prag të edicionit të 64-t të manifestimit maqedonas me renome ndërkombëtare të skenës muzikore “Vera e Ohrit”.
Në këtë takim, përfaqësuesit e institucionit nacional e njohën Presidenten Siljanovska Davkova me përgatitjet aktuale dhe me programin vjetor të festivalit, i cili pas themelimit në vitin 1961, mbahet në periudhën prej 12 korrikut deri më 20 gusht në Ohër.
Duke iu referuar kontributit dhjetëvjeçar në edukimin e artit si vlerë universale, Presidentja Siljanovska Davkova shprehu kënaqësinë që në frymën e traditës së krijuar do të jetë nikoqire e festivalit “Vera e Ohrit”. Në këtë drejtim, uroi realizim të suksesshëm të edicionit të sivjetshëm dhe e theksoi mbështetjen e saj në promovimin e festivalit dhe kulturës maqedonase në botë.
