Presidenti Stevo Pendarovski sot i mirëpriti Aleksandar Tasevskin, kryetarin e Sindikatës Profesionale të Kontrolluesve të Fluturimeve dhe Goran Gavrovskin, anëtarin e këshillit sindikal.
Në këtë takim Presidenti Pendarovski i mbështeti angazhimet e sindikatë për ruajtjen e nivelit profesional në funksionimin e M-NAV SHA – Shkup, që është pjesë e infrastrukturës kritike në shtet.
Në këtë drejtim, Presidenti Pendarovski edhe njëherë e dënoi sjelljen e dhunshme në M-NAV nga të punësuarit në atë institucion dhe të personave të tjerë të cilët pa autorizim kanë hyrë në ambientet e tyre dhe ka kërkuar që ngjarjet të zbardhen sa më shpejt, duke pasur parasysh se është një çështje që mund të rrezikojë sigurinë në qarkullimin ajror ndërkombëtar.
Njëkohësisht, Presidenti Pendarovski e riafirmoi qëndrimin se asnjë interes personal apo politik nuk mund të jetë mbi rendin juridik dhe funksionimin pa pengesa të institucioneve.
